遊人 The Wanderer #852 新界仔 New Territories Boyz PIN
 
限量50套。
 
SOCIAL NERD & 遊人 The Wanderer《香江奇案實錄：新界汽水連環中毒案》
 
我四舅父當年揸車搵食，呢單嘢都係佢啱啱入行嗰時D師兄同佢講，提佢小心。佢話當年有個阿叔，成日揸住部VAN仔流連新界區各個油站，一手揸住堂軚、一手拎住樽裝汽水，問每個入油站嘅司機飲唔飲汽水。不過阿叔咬字不清講嘢一嚿嚿，所以多數司機都當佢傻佬費事睬佢，有傳聞話其實佢噏嚟噏去都係同一句：「揸車唔好飲酒呀，好危險㗎，醒支汽水你飲啦！」
 
單嘢後尾變成《新界汽水連環中毒案》咁大獲，係因為一個後生仔真係夠薑跟阿叔買汽水，飲咗兩啖就開車走，點知駛出油站唔夠幾米就炒車，上前幫手嘅師兄發現後生仔嘴唇發紫，嘔晒白泡，全身典吓典吓，十足十中毒咁款！而且聽講唔止一個司機賴嘢！當年資訊無咁發達又未有西鐵，但從新界北到新界西，各區都有街坊聲稱目擊到疑似係阿叔嘅人犯案，仲不約而同地噏得出疑犯每次犯案嘅衣著：一件背面印著大大個 NT 符號嘅白色 Tee 同 SP 拖鞋，駕駛嘅VAN 仔後玻璃亦印有「遊人」和「新界仔」貼紙，所以區內街坊都懷疑 NT 就係新界嘅縮寫，幫疑犯起咗個朵叫「新界仔」。
 
究竟係汽水落毒背後嘅目的係咩？洗胃執返條命嘅受害人如何憶述當時事發經過？點解無媒體報導？「新界仔」嘅真實身份係？就由KIDNEY & SOCIAL NERD 為您拆解《新界汽水連環中毒案》呢一單香江奇案。
 
文字：Kidney & 王光